Татарстан синоптиклары көчле салкыннар якынлашуы турында кисәтә

Татарстанда  аномаль җылы һава торышына алмашка шимбә, 15 декабрьдә, салкыннар килә. Бу турыда  Татарстан Гидрометеорология һәм әйләнә-тирә мохитне күзәтү үзәге хәбәр итә.

15 декабрь төнендә һәм иртән 13 градуска кадәр салкын, ә аязганда – 19 градус салкын булуы ихтимал. Көндез һава температурасы -8...-13 градус булачак.

Иртәгә, 13 декабрьдә, төнлә -12 градуска (аязганда -16) кадәр салкынайтачак. Көндез температура -3 градус булачак.

Иртәгә аязучан болытлы һава булачак. Төнлә урыны белән бераз кар яварга мөмкин. Иртән һәм көндез күпчелек районнарда юеш кар явуы көтелә.

Юлларда урыны белән бозлавык, дип кисәтә синоптиклар.

Фото: архив/Михаил Захаров

https://tatar-inform.tatar