Теләче Информ

Татарстанда тагын бер пляжда коенырга рөхсәт иттеләр

Татарстанда тагын бер пляжда коенырга рөхсәт иттеләр

 Зәй пляжы Роспотребнадзорның Татарстан буенча идарәсеннән санитар-эпидемиологик нәтиҗә алды. Бу хакта «Татар-информ» мәгълүмат агентлыгында матбугат конференциясендә ведомство җитәкчесе урынбасары Любовь Авдонина сөйләде.

«Бүгенгә су объектын рекреацион максатларда файдалануга өч территория санитар-эпидемиологик нәтиҗә алды. Бу Түбән Каманың Кызыл Чишмә бистәсе, Лаеш һәм Зәй шәһәрләре», — диде спикер.

Ведомство Минзәлә санитар-эпидемиологик нәтиҗәгә биргән тагын бер гаризаны карый. Авдонина сүзләренчә, киләсе атна башында комлык рөхсәт алачак.

Реклама

«Рекреацион кулланылыштагы калган 13 урын санитар-эпидемиологик нәтиҗә алуга гариза бирмәгән. Бүгенгә бәяләмәләре юк», — диде җитәкче урынбасары.

Роспотребнадзор идарәсе суның нормага туры килүен күзәтүен дәвам итә. Барлыгы 397 су үрнәген сайлап алганнар. Санитар-химик күрсәткечләр буенча стандарт булмаган тикшеренүләр 19 процент, микробиологик күрсәткечләр 6 процент тәшкил итә. Узган атнада микробиология буенча тиешле үрнәкләр булмады, диде Любовь Авдонина.

Барлык пляжларның да Роспотребнадзор тарафыннан гариза буенча бирелә торган санитар-эпидемиологик нәтиҗәсе булырга, шулай ук Covid-19 яңа коронавирус таралуга каршы тору буенча ведомство күрсәтмәләрен үтәргә тиеш. Җиһазны дезинфекцияләргә кирәк, шәхси гигиена һәм чиста су саклау өчен инфраструктура булырга тиеш.

tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: