Татарстанның Яшел Үзән районында чокыр казыган ир-ат җир астында күмелеп калган

Фаҗига кичә көндез Нарат бистәсенең Лесная урамындагы 10а йорты янында килеп чыккан.

Урынга Яшел Үзән янгын-коткару гарнизоны һәм 53нче янгын-коткару часте хезмәткәрләре юл тоткан.

Алар ачыклаганча, 54 яшьлек ир-ат үз кишәрлегендә су чокырын киңәйткән вакытта, өстенә балчык ишелеп, шуның астында күмелеп калган.

Коткаручылар ир-атның мәетен дүрт метрлы чокырдан чыгарып, полицейскийларга тапшырган.

Бу хакта тулырак: https://tatar-inform.tatar/news/2018/08/27/170418/

Фото: ГУ МЧС по РТ