Теләче Информ

Казанда гейларга үзләрен белдерми яшәү хәерлерәк

һомофобия күренеше Казанда да көчле. Казанда туып-үскән Гадел Җәббаров үз башыннан узган мыскыллаулар, кыйналуы хакында Азатлыкка сөйләде. Аның фикеренчә, һомофобия күренеше дәүләтнең гей пропаганда канунын кабул итүе белән чәчәк ата башлаган.

Гадел Җәббаровка 24 яшь, хәзер ул Болгарстанда яши, еш кына туган шәһәре Казанга кайткалый. Соңгы кайтканда аны күршесе кыйнаган, әмма ул полициягә мөрәҗәгать итүдән курыккан. Гадел Азатлыкка Казанда борчуга дучар булуы, агрессив кешеләрнең артуы хакында сөйләде. 
 
– Гадел, син үзеңнең гей икәнеңне кайчан аңладың?
 
– Мин Казанда тудым, Мәскәүдә югары икътисад мәктәбендә юриспруденция белгечлегенә укыдым. Хәзер Болгарстанда журналист белемен үзләштерәм. Казанга еш кайтып йөрим, чөнки әти-әнием, бертуганнарым анда яши. Академик ялым булды, берничә ай туган шәһәремдә торып килдем. Әле укуымны дәвам итәм.
 
Мөселман гаиләсендә тәрбияләндем мин
Һомосексуалист икәнемне 8-9 яшемдә тоемлый башлаганмындыр, әлбәттә ул вакытта мин аның ни икәнен аңламаганмын. Үсә төшкәч мәктәптә үземнең гей икәнемне аңладым. Башта курыктым, үземне алай итеп кабул итмәдем, ни дисәң дә, мөселман гаиләсендә тәрбияләндем мин.
 
Казанда мохит башкачарак. Үземне битәрли идем, психологик яктан бик авыр булды. Аннары мин АКШка бер елга укырга киттем, анда бөтенләй икенче мохит, кешеләр гейларга толерант, анда бер-берсен яраткан кызлар да, гейлар да яшеренми, аларга карата да гадәти караш, алар шундый ук кешеләр икән бит, оялмыйлар, кыенсынмыйлар. Менә шуларны күреп үземә карата да мөнәсәбәт үзгәрде. Мин дә гап-гади кеше, бары тик сексуаль ориентациям генә башка икәнен аңладым.
 
​– Бу хакта әти-әниең, туганнарың беләме?
 
– Мәктәптә укыган чакта бу хакта берсенә дә әйтмәдем, яшердем, тискәре кабул ителәчәге билгеле иде. Әмма балигъ булгач, әниемә барысын да сөйләдем. Әтигә дә аңлаттым. Энем белән сеңлем дә белә. Мин ачыктан-ачык сөйләү яклы, миндә менә шундый үзенчәлек бар, мин аннан оялмыйм дигән принцип белән яшим.
 
Әбигә әйтүне кирәк дип тапмыйбыз
Туганнарның кабул итү-итмәве аларның ихтиярында иде. Дөрес, әни башта бик авыр кабул итте, елады, әтинең миңа ачуы бик каты иде. Әмма вакыт узу белән барысы да үз урынына кайтты, минем үзенчәлекле булуымны кабул иттеләр. Мин аларның яраткан, якын иткән уллары, абыйлары булып калам бит. Әти-әнигә рәхмәтлемен, алар минем бәхетле булуымны тели. Әмма без бу теманы читләтеп узарга тырышабыз, сөйләшмибез.
 
Әби әлегәчә белми, аңа әйтүне кирәк дип тапмыйбыз. Ул иске караштагы кеше, артык борчылыр, йөрәгенә якын алыр дип аңа бу хакта сөйләмәдек. Туганнар кайчан өйләнәсең инде, йөргән кызың белән таныштыр дип йөдәтмиләр, шәхси тормышка тыкшыну гадәте юк.
 
– Син ачыктан-ачык үзеңнең сексуаль ориентацияң хакында әйтү яклы, әмма Русиядә һомофобия күренеше дә юк түгел. Үзеңә артык игътибар җәлеп итәрсең дип курыкмыйсыңмы?
 
– Кешенең сексуаль ориентациясе аңа булган мөнәсәбәтне үзгәртергә тиеш түгел. Мин ачык булу яклы, ник мин аны яшерергә тиеш? Дусларым минем хакта белә, Мәскәүдә дә, Болгарстанда да миңа рәхәт. Мәскәү – зур шәһәр, минем кебекләр күп, әйе, аларны да кыйнарга мөмкиннәр. Берничә ел элек Мәскәүдә үземне дә тиктомалдан башта сүктеләр, аннары кыйнадылар. Тик башкалада барыбер күп кеше арасында югалып эрергә мөмкин. Анда минем тирәмдә толерант кешеләр тупланды, имин клубларга йөрерлек мөмкинлек бар.
 
– Ә Казанда?
 
– Мин башка егетләрдән аермалы нәзәкатьлерәк киенәмдер, үз-үземне карыйм, тәрбиялим. Минемчә, бу гадәти күренеш, һәр кеше пөхтәлеккә омтылырга тиеш. Бу барыбер башкаларның игътибарын җәлеп итә. Мәскәүдә дә тискәре карашлар сизгәнем бар, әмма еш түгел.
 
Казанда гомеремә куркыныч янау хисе белән яшим
Казанда исә җәмәгать транспортында тыныч йөреп булмый, сөзеп карыйлар, хәтта көләләр, мыскыл итүгә дә җитә. Туган шәһәрем булса да, үземне авыр хис итәм, сәламәтлегемә, гомеремә куркыныч янау хисе белән яшим. Күршем мине кыйнады. Имеш, аңа минем ни рәвешле ишек ябуым ошамый. Әмма бу сәбәп кенә, чынында ул – һомофоб, мине күптән күзәткәнен сиздем. Күршеләр дә үзара минем хакта сөйләшкәнен ишетә идем. Үтеп китүем була, пыш-пыш киләләр, кайчак сүгенеп, кайчак көлеп сөйләшеп калалар иде. Бик ямьсез, күңелсез күренеш. Җәмәгать транспортында агрессив кешеләрне күрсәм, минем тукталыш булмаса да, алданрак төшеп калган очраклар булды. Ни өчендер, кешеләр үзләренең миңа карата мөнәсәбәтен ачык күрсәтергә кирәк дип саный.1
 
– Күрешең кыйнаганнан соң полициягә мөрәҗәгать иттеңме?
 
– Юк, итмәдем, чөнки анда миңа ярдәм итүләренә ышанмыйм, киресенчә, аларның капкынына эләгергә куркам. Мине якларлык түгел алар, миңа басым ясарга мөмкиннәр. Адар да мыскыл итәргә мөмкин. Бу хакта күп укыганым, ишеткәнем бар.
 
Казанда һомофоблар тарафыннан кыерсытулар булса, кая мөрәҗәгать итәргә мөмкин икәнен белмим. Русиядә андый иҗтимагый оешмалар булса да, һомосексуализм пропагандасына каршы канун кабул ителгәч, алар тулы көчкә эшләми. Аларны пропаганда алып бара дип гаепләп утыртырга да мөмкиннәр. "Парни +" порталы эшли иде, аны Роскомнадзор япты, гәрчә анда ВИЧ профилактикасы хакында да, кыерсытылу очраклары булса да, нишләргә, кемгә мөрәҗәгать итәргә кирәклеге хакында файдалы киңәшләр бар иде.
 
Казандагы гейлар эштә сексуаль ориентацияләрен яшерә, Мәскәүдә мондый хәл сирәгрәк
Беләсезме, миңа карата тискәре мөнәсәбәт ни өчен булганын аңлый алмыйм. Үпкә хисе били. Мин бит башкаларга зыян китермим, белем алам, илемә файда китерәсем килә, кешеләргә ачыкмын, аларга җылы мөнәсәбәттәмен, кемгә дә зыян китермим. Ник миңа шундый караш? Мин моңа хәзер игътибар итмәскә тырышам, әмма агрессив караш, мөнәсәбәт тә бар бит. Менә анысына игътибар итмичә мөмкин түгел, куркыта. Мин низаг килеп чыкмасын өчен тизрәк ул урыннан китәргә, андый кешеләрдән ерагаерга тырышам.1
 
Казандагы гейлар белән аралашам, алар эштә үз сексуаль ориентацияләрен яшерә, бу уңайсызлыклар тудырырга мөмкин, хезмәттәшләрнең мөнәсәбәтен үзгәртергә мөмкин дип сөйлиләр. Мәскәүдә андый хәлләр сирәгрәк. Казанда качып яшәү хәерлерәк.
 
– Чечнядә гейларны эзәрлекләү очрагын "Новая газета" журналистлары язып зур шау-шу купты, республика җитәкчелеге матбаганы яла ягуда гаепләде, Уфадада һомосексуалистларны тоту, кыерсыту очрагы ачыкланды. Казанда мондый хәлләр турында ишеткәнең бармы?
 
– Чечнядә кыйналган, җәзаланган, үтерелгән кешеләр турында ишеттем, бик куркыныч хәлләр. Казанда андый вәхшилек турында ишетмәдем. Уфадагы хәлләрне дә укыдым, тетрәндем. Гадәттә, һомосексуалистлар интернетта таныша, очрашуга кадәр кешеләр үзара Whatsapp, Telegram аша аралаша, соңыннан Instagram, Facebook аша да. Белүемчә, Казанда кешеләр танышу, язышу белән шунда ук бер белмәгәннәр белән очрашуга бармый. Сынарга кирәк, кешене өйрәнү мөһим. Фейк аккаунтларны ачыклап була. Казанда Бауман урамында озак еллар дәвамында "Фараон" клубы бар иде, ул Азино якларына күчкән дип беләм.
 
– Һомофобия күренешен ничек киметергә? Кешеләрнең һомосексуалист, лесбиларга карата тискәре мөнәсәбәтен ничек үзгәртергә мөмкин дип уйлыйсың?
 
– Мин Болгарстанда укыйм, әмма биредә дә һомофобия чире белән интегүчеләр күп. Биредә дә үзеңне тыныч хис итмисең. АКШның көньягында да һомофобия күренеше чәчәк ата. Русиядә һомосексуалистларга карата мөнәсәбәтнең үзгәрүе беренче чиратта сәясәтнең үзгәрүе белән бәйле.
 
Русиядә гей пропаганда кануны була торып ЛГБТ берләшмәләренә карата җылы караш булмаячак. 1990-нчы елларда башка ориентациядә булуың мөһим түгел иде, чөнки башка мәсьәләләр күп иде. 1990-нчы елларда Русия Евровидениегә "Тату" төркемен җибәрде.
 
Хәзер хәлләр капма-каршы үзгәрде. Әле дә Русиядә башка мөһим мәсьәләләр бар, әмма парламенттагылар никтер бер дә кирәкмәгән кануннар чыгару белән мәшгуль. Һомосексуаллар иң куркыныч кешеләр дип федераль телевидениедән көне-төне сөйләү кешеләргә тискәре тәэсир итте. Иманым камил, һомосексуаллар бар ни, юк ни – күпчелек өчен мөһим түгел иде. Хәзер исә алар рухи нигезле дәүләт төзүгә комачаулый булып чыкты.
 
Русия һомофобия – Совет берлеге мирасы, соңгы еллардагы дәүләт сәясәте
Минемчә, мәктәпләрдә махсус дәресләр булырга тиеш, балалар башка төрле ориентациялеләрнең дә шундый ук кешеләр икәнен аңлап, белеп үсәргә тиеш. Күбрәк мәгълүмат булырга тиеш, Гей парадлар узса, халык аның позитив, күңелле булганын, башкаларга зыян салмавын күрер иде.1
 
Һәр кешенең хокукы якланырга тиеш. Ул мыскыл ителергә тиеш түгел. Кайчан без бу дәрәҗәгә җитәрбез – белмим. Әмма моңа без кечкенә адымнар белән барырга тиеш.
 
Ксения Собчак, Антон Красовский кебек шәхесләр ЛГБТ берләшмәләренең хокуклары турында сөйли, әмма әлегә җәмгыять ачыктан-ачык бу хакта сөйләшергә әзер түгел. Русиядәге һомофобия – Совет берлеге мирасы, соңгы елларда дәүләт сәясәте нәтиҗәсе. Әмма ничек кенә булмасын, без җәмгыятьне тәрбияләргә, аңлатырга тиеш, кешеләр аз булса да уйлана башласын иде.1
 
17 май дөньяда Һомофобиягә каршы көрәш көне буларак билгеләнә.

Нравится
Поделиться:
Реклама
Комментарии (0)
  • 24 май 2018 - 08:30
    Мамадышта 80 яшьлек хатын-кыз һәм 59 яшьлек ир-ат янып үлгән Мамадышта 80 яшьлек хатын-кыз һәм 59 яшьлек ир-ат янып үлгән. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итә.
    16
    0
    0
  • 24 май 2018 - 08:19
    Бакчадагы кырмыскадан ничек котылырга? С одной стороны эти трудолюбивые насекомые вызывают уважение благодаря своей организованности, сплоченности и дисциплине. Они строят муравейники, прокладывая в земле ходы или делая насыпь, а также могут поселиться в стене строения. Однако когда муравейник появляется в саду, на грядке или в цветочной клумбе, большое нашествие насекомых досаждает человеку. К тому же муравьи разводят тлю, для них эти маленькие насекомые вредители, как дойные коровы, муравьи питаются сладкими выделениями тли и специально разносят этих вредителей по растениям для размножения. Чтобы вывести тлю, вначале придется избавиться от муравьев на участке.
    25
    0
    0
  • 23 май 2018 - 15:18
    Мәктәп укучылары Олы Нырсы авылның янгын бүлеге белән танышты «День открытых дверей» На формирование культуры безопасного поведения у ребят, начиная с дошкольного возраста, направлены огромные усилия. Ведь только комплексным подходом  можно добиться формирования и развития у детей сознательного и ответственного отношения к личной безопасности и безопасности окружающих.
    47
    0
    0
  • 23 май 2018 - 14:53
    Булат Бәйрәмов Ләйсән белән кечкенә бәбине өйләренә алып кайта Булат Бәйрәмов хатыны Ләйсән белән төпчек кызлары Зәйнәпне балалар тудыру йортыннан каршы алган. Кечкенә сеңелкәшләрен күрергә дип Таңсылу белән Зифа да килгән
    129
    0
    0
  • 23 май 2018 - 13:52
    Казанда "Биш файдасыз күнегү" дигән театраль лаборатория ачылды Кичә, 21 майда, V "Нәүрүз" Халыкара театраль-белем бирү форумы кысаларында, М.Сәлимҗанов исемендәге Актерлар йортында "Биш файдасыз күнегү" дигән театраль лаборатория ачылды.
    16
    0
    0
  • 23 май 2018 - 13:41
    Сүндерелмәгән тәмәке төпчеге Чаллыда 57 яшьлек хатын-кыз үлеменә сәбәп булган Чаллыда 57 яшьлек хатын-кыз үлеменә сүндерелмәгән төпчек сәбәп булган. Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
    40
    0
    0
  • 23 май 2018 - 13:38
    Рохинья мөселман качакларына муссон яңгырлары яңа фаҗига китереп чыгарган Бангладешта сыену урыны тапкан җиде меңнән артык аракан мөселманы, муссон яңгырлары китереп чыгарган җил-давыл һәм җир шуу аркасында, фаҗигагә юлыккан. Бу хакта, БМО генераль сәркатибе вәкиле Стефан Дюжаррикка сылтама белән, “Анадолу” агентлыгы хәбәр итә.
    24
    0
    0
  • 23 май 2018 - 13:26
    Татарстанның Балтач районында юл һәлакәтендә бер кеше үлгән, бишәү зыян күргән Татарстанның Балтач районында юл һәлакәтендә бер кеше үлгән, биш кеше зыян күргән, дип хәбәр итә “Татар-информ”га Татарстан сәламәтлек саклау министрлыгының матбугат сәркатибе Айгөл Сәлимҗанова.
    71
    0
    0
  • 23 май 2018 - 13:22
    Доллар бәясе 61 сум 67 тиен булды Мәскәү биржасының иртәнге сату-алуларында доллар курсы 61 сум 67 тиенгә кадәр үсте. Америка валютасы кичәге дәрәҗәгә тагын 47 тиен өстәде. Бу турыда сәүдә мәйданнары мәгълүматлары дәлилли.
    23
    0
    0
  • 23 май 2018 - 11:23
    Татарстанда “милли курчак”ны сайладылар Чаллы шәһәренең “Чишмә” Халыклар Дуслыгы йортында “Милли курчак — 2018″ VI шәһәр балалар иҗаты бәйгесе финалы узды. Бәйгедә төрле милләттән булган 16 кызчык катнашты. Бу хакта Татарстан Халыклар Дуслыгы йортының мәгълүмат үзәге хәбәр итә.
    37
    0
    0
  • 23 май 2018 - 10:33
    Рамазан ае мөбәрәк булсын! Мөселманнар өчен изге булган Рамазан ае башланды. Бу көннәрдә ураза тотучылар билгеле вакытта ризыктан, судан, яман сүздән, якынлык кылудан тыелып торырга тиеш. АллаҺы Тәгалә Коръәндә: “Уразадан кала Адәм баласының бөтен эше дә үзе өчен эшләнә. Ә ураза – Минем өчен. Мин аңа әҗерне Үзем белеп бирәчәкмен. Ураза – калкан ул”, - дигән. Уразаның шартлары “вөҗүб” һәм “әда” дигән өлешләргә бүленә. Вөҗүб шартлары: мөселман булу, акыллы һәм балигъ булу. Кеше бу сыйфатларның берсеннән генә мәхрүм булса да, аңа ураза тоту фарыз түгел. Әда шартлары: сау-сәламәт булу, өйдә тору, ният кылу һәм хәез-нифастан (күремнән) пакь булу. Шулай ук чирле һәм юлчы кешеләр өчен ураза тоту фарыз түгел. Алар авырган чакта яки сәяхәт вакытында калдырган уразаларын соңрак каза кылыр. Ният әда шартлары арасында бик әһәмиятле урын били. Ният итмичә тотылган ураза чын ураза булып саналмый.
    26
    0
    0
  • 23 май 2018 - 09:44
    Теләче районы өч көннән язгы чәчү эшләрен төгәлләргә ниятли Теләче районы басуларында өч көннән чәчү төгәлләнергә тиеш. Теләче районы Авыл хуҗалыгы идарәсе башлыгы Ралиф Низаметдинов Теләчедә “Татар-информ” агентлыгы хәбәрчесенә шул хакта әйтте.
    62
    0
    0
  • 23 май 2018 - 09:32
    Кырыкны узгач хатын-кызлар нигә тазара? Их, ябыгасы иде... Теләсә кайсы хатын-кыз телендә иң еш яңгырый торган сүз бугай бу. (Кайчак кычкырып әйтмәсә дә, уенда гел бар инде ул аның!) Бигрәк тә хәзер, җәй җиткәндә барыбызның да сылу, зифа күренәсе килә. Әмма кырык яшьтән узгач, артык килограммнардан котылу бик җиңел генә түгел шул... Нигә шулай соң бу
    116
    0
    0
Реклама
  • 14 ноябрь 2017 - 10:17
    Җәүлеләр иминлеге–уртак бурыч (Видео)
  • 23 октябрь 2017 - 14:24
    Защити себя!
  • 12 май 2018 - 21:01
    Җиңүчеләрне котлыйбыз!
    10 нчы май көнне район балалар китапханәсе хезмәткәрләре, район мәгариф бүлегенең башлангыч белем бирү методисты С.Г.Закирова, Теләче урта мәктәбенең башлангыч сыйныф укытучылары Ф.М Әскәрова һәм З.Т. Мөхәммәтгалиева белән берлектә «Укучының мәдәни көндәлеге» дигән республика бәйгесенең район турына нәтиҗә ясалды.
    198
    0
    0
  • 21 май 2018 - 14:43
    Рәхмәт хаты тапшырылды 19 май көнне ирекле янгын сүндерү отрядларының “Татарстан Республикасының иң яхшы ирекле янгын сүндерү бүлекчәсе республика смотр – конкурсы үткәрелде.
    180
    0
    0
  • 21 май 2018 - 14:50
    Теләче егетләре сынатмый 19 май көнне Саба районының Икшермә авылында 2000-2002 нче елгы, 2003 елгы һәм аннан да яшьрәк егетләр арасында 1979 елгы чыгарылыш укучысы Миннибаев Р.Р призына көрәш буенча районара ярышлар узды. Барлыгы 4 команда катнашкан әлеге ярышларда балалар спорт мәктәбе укучылары да актив катнашып кайтты.
    165
    0
    0
  • 21 май 2018 - 15:40
    Үз эшенең чын остасы Бию – ул балага, беренче чиратта, төрле яклап үсеш бирә торган шогыль, дип саный Балалар иҗат узәгенеӊ өстәмә белем биру педагогы Баева Зилә Рафаиль кызы. Сәхнәгә күтәрелгән бөтен кешегә дә зур дәрәҗәгә ирешергә, шөхрәт казанган артист булырга димәгән. Дөнъя шулай корылган: минутлар сәгатьләргә әверелә, атналарны айлар алыштыра, айлар елларны тәшкил итәләр.
    147
    0
    2
  • 22 май 2018 - 14:41
    Алдынгыларны хөрмәтлиләр Бүген районыбыз кырларында фидакарь хезмәт куючы механизаторларга сертификатлар тапшырылды.
    147
    0
    0
  • 21 май 2018 - 11:15
    Теләче сәнәгать мәйданчыгы игътибар үзәгендә ТР Президенты Рөстәм Миңнеханов тарафыннан сәнәгать мәйданчыклары үсеше контрольдә тотыла. Шул максаттан 19 май, шимбә көнне президент катнашында узучы видеоконференциядә район башлыклары хисап тотты. Теләче районы башлыгы Илдус Зарипов та эшләнгән эшкә нәтиҗә ясады.
    134
    0
    0
  • 21 май 2018 - 10:47
    Балалар концерт куйды 18 май көнне район мәдәният йортында район балалар Сәнгать мәктәбенең еллык хисап концерты булып узды.
    132
    0
    0
  • 23 май 2018 - 14:53
    Булат Бәйрәмов Ләйсән белән кечкенә бәбине өйләренә алып кайта Булат Бәйрәмов хатыны Ләйсән белән төпчек кызлары Зәйнәпне балалар тудыру йортыннан каршы алган. Кечкенә сеңелкәшләрен күрергә дип Таңсылу белән Зифа да килгән
    129
    0
    0
  • 22 май 2018 - 15:00
    Әти- әниләр мәктәп белән таныша 19 нчы май  көнне Теләче урта мәктәбендә яңа уку елында киләчәк беренче сыйныф укучыларының ата - аналар җыелышы булып үтте. Башлангыч сыйныфларда директор урынбасары В.Г. Мифтахова ата- аналарны мәктәпнең уставы һәм яңа уку елында беренче сыйныфларны туплау узенчәлекләре белән таныштырды. Милли мәгариф буенча директор урынбасары Д.Г. Фатхрахманова беренче сыйныф укучыларын туган телдә укыту, туган телдә укыту сыйныфларын оештыру мәсьәләләрен яктыртып чыгыш ясады.
    119
    0
    0
Ночной режим