Буа районында 92 яшьлек хатын-кызның мәете табылган

Буа районында Гадәттән тыш хәлләр министрлыгы хезмәткәрләре 92 яшьлек хатын-кызның мәетен тапкан, коткаручылар аны берничә көн буе эзләгән. Бу хакта «Татар-информ» агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Искәртеп үтик, «Татар-информ» Иске Суыксу Выселкасы авылында яшәүче 92 яшьлек әби, өеннән билгесез юнәлештә чыгып китеп, югалганлыгы турында хәбәр иткән иде. Урында эзләү эшләре алып барылган.

Алдагы көнне көндез туганнары әбинең үле гәүдәсен тапкан.