Дару файдалымы?
Гел кул астында булган, күп еллардан бирле сыналган дарулар бар. Алар белән үзлегебездән дәваланабыз, ә зыяны турында уйламыйбыз да.
Анальгинны ашказаны яхшы эшкәртә. Тик тикшеренүләр аның канда үзгәрешләр барлыкка китерүен - лейкоцитларны юкка чыгаруын раслаган. Шул сәбәпле, анальгин дөньяның 40 илендә тыелган.
Аспиринны аш казаны һәм эчәклек авырулары булган кешеләргә кулланырга киңәш ителми. Ул аллергияле кешеләрдә астма китереп чыгара. Балаларга бирергә ярамый. Ашказанына зыяны булмасын өчен, аның суда эри торганын сайлагыз.
Парацетомолны температура күтәрелгәндә педиатрлар балаларга еш билгели. Кайберләре 3 яшькә кадәр балага бөтенләй бирергә ярамый дигән фикердә. Гастриттан интегүчеләрнең ашказаны да аны яхшы эшкәртә. Тик озак кулланганда яки күләмен арттырганда бавырга зыяны булырга мөмкин.
Следите за самым важным и интересным в Telegram-каналеТатмедиа
Нет комментариев