ӘГӘР НӘСЕЛДӘ КУРКЫНЫЧ ЧИР БУЛСА?

Күп чирләр нәселдән килә. Бу бала да әти-әнисе чирен кабатлый дип кистереп әйтү түгел. Шулай да әлеге чирләрдән сакланырга кирәк.
Әти-әни гипертониядән интексә, баланың гипертоникка әверелү куркынычы - 75 %. Артык авырлык бу куркынычны тагын да арттыра. Гаиләдә гипертониядән интегүче бар икән, тозлы, әче ризык, ярымфабрикатлардан баш тартырга кирәк.
Әнисендә сөт бизе рагы табылган кызларга онкологик чир булу куркынычы яный. Шуңа да аларга стресстан сакланырга, майлы ризыкларны чикләргә, гормоннар тайпылышын даими тикшереп торырга кирәк.

Чыганак: Ирек мәйданы