Гүзәлия Галиәхмәтова: “Сәламәтлек кенә булсын, эшләрбез әле, Алла боерса”

Гүзәлия Галиәхмәтова, менә алты ел инде, Алан товарлыклы-сөтчелек комплексында сыерлар сава. Алдынгы, зур тәҗрибәгә ия савымчы. Фермага урта мәктәпне тәмамлаганнан соң килгән булган. Бер "Алан"да гына түгел, Фрунзе исемендәге хуҗалыкта да хезмәттәше Минзәлия Яруллина белән гел алдынгылар сафында булганнар. Замандашлары аны ут уйнатучы савымчы, дүрт бала анасы буларак кына түгел, коммунистлар партиясе хакимлек иткән чорда мактаулы вазифада - райком әгъзасы булганын да хәтерли. "Сәламәтлек кенә булсын, эшләрбез әле, Алла боерса", - ди ул.