Теләче Информ

Илһам Шакировның ярдәмчесе Илһам Хаҗиев: «Аның кебек шәхеснең ышанычын яулау һәркемнең хыялы булгандыр, ул бәхет миңа елмайды»

Татарстанның һәм Россиянең халык артисты Илһам Шакировның ярдәмчесе Илһам Хаҗиевка Россия мөселманнары Диния нәзарәтенең “Казанышлар өчен” (“За заслуги”) медале тапшырылды.

Реклама

Россия Федерациясе мөселманнары Диния нәзарәте рәисе, мөфти шәех Равил Гайнетдин имзалаган рәсми кәгазьдә: “Татар халкының милли традицияләрен һәм рухи байлыкны саклауга һәм пропагандалауга керткән өлеше, шулай ук татар халкының легендар җырчысы Илһам Гыйлметдин улы Шакиров иҗатын киң пропагандалаганы өчен Илһам Муллый улы Хаҗиевка Россия мөселманнарының “Казанышлар өчен” медале белән бүләкләргә”, – диелгән.
“Илһам абыйга озак еллар күңелем кушканча ярдәм иттем. Бу гамәлем табигый иде. Аның кебек шәхеснең ышанычын яулау, аклау сәнгатьне яраткан һәркемнең хыялы булгандыр. Ул бәхет миңа елмайды. Тыйнак хезмәтемә шундый зур бәя бирүләре өчен зур рәхмәт”, — ди Илһам Хаҗиев.

vatantat.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: