Теләче Информ

Теләче районы

18+
2024 - Гаилә елы
Язмалар

Җитәкчеләр чаңгыда узышты

Мул карлы салкын кышның рәхәтен генә күрә башлаган идек, кыш уртасында яз килде. Кызганыч, әлбәттә. Ләкин табигатьтә начар һава торышы юк диләр. Ә бит кышның да үзенчә матурлыгы, хозурлыгы һәм бәрәкәте аның карлы һәм салкын булуында. Минемчә, бер атна элек кенә үткәрелгән чаңгы ярышында катнашучылар да моны яхшы тоярга өлгергәндер....

Мул карлы салкын кышның рәхәтен генә күрә башлаган идек, кыш уртасында яз килде. Кызганыч, әлбәттә. Ләкин табигатьтә начар һава торышы юк диләр. Ә бит кышның да үзенчә матурлыгы, хозурлыгы һәм бәрәкәте аның карлы һәм салкын булуында. Минемчә, бер атна элек кенә үткәрелгән чаңгы ярышында катнашучылар да моны яхшы тоярга өлгергәндер.

- Чөнки табигать белән яшәү кешегә саулык һәм күңел көрлеге, тормышка бәрәкәт өсти, - дип белдерде шәхси үрнәк күрсәтеп чаңгы шуарга чыккан муниципаль район башлыгы Илдус Зарипов. Үрнәк күрсәтеп кенә калмады ул, 40 яшьтән югары булган җитәкчеләр арасында үткәрелгән ярышта финишка беренче булып килде. Әйе, 30 гыйнвар көнне Теләче чаңгы базасында узган ярышлар нәкъ менә җитәкчеләр арасында үткәрелде. Чаңгы узышында җәмгысе 48 кеше катнашты. Әлеге ярышта җиңүчеләр исемлеге белән таныштыруыбызны дәвам итсәк, финишка икенче булып, муниципаль район Советының оештыру бүлеге җитәкчесе Рафаэль Яруллин килүен әйтергә кирәк. Өченче урында Олы Мишә урта мәктәбе директоры Айнур Сафин булды.

40 яшьтән кече җитәкчеләр арасында узышта муниципаль район башкарма комитеты җитәкчесенең икътисадый мәсьәләләр буенча урынбасары Илдар Миңнегуловны уза алучы табылмады. Ул Теләче урта мәктәбе директоры Раил Нәҗипов белән Теләче авыл җирлеге башлыгы Илнур Хәмидуллинны икенче һәм өченче урынга калдырып, кабат чемпион исемен яулады.

Хатын-кыз җитәкчеләр арасында үткәрелгән ярышта җиңүче өстәмә белем бирү үзәге методисты Айгөл Имамиева булды. Икенче һәм өченче урыннарны халыкны социаль яклау бүлеге җитәкчесе Фәридә Галимова белән Үзәк авылы фельдшер-акушерлык пункты мөдире Гөлгенә Галиәхмәтова бүлеште.

- Кышын чыныгу мөмкинлекләре җәйгә караганда күбрәк, вакыт та иркенрәк. Әйтик, чаңгыда йөрү ул - кояш, һава, хәрәкәт белән чыныгу. Даими йөргәндә эш куәте арта, йөрәк-кан тамырлары системасы эшчәнлеге яхшыра, эмоциональ киеренкелек кими, аяк-кул мускуллары ныгый. Тимераякта шуу гәүдәне төз тотарга булыша, организмның авыруларга каршы торучанлыгын арттыра, хәрәкәт, йөрәк-кан тамырлары системасын ныгыта. Башта һәм соңыннан гәүдәне язылдыру кирәк, - ди район үзәк хастаханәсе гомуми практика табибәсе Эльмира Шәрәфетдинова.

Бу очракта чаңгы юлларына ешрак чыгыйк, кышның рәхәтен күреп калыйк диясе генә кала.

Фәнил Гаязов.

Автор фотосы.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

2
X