Кыз бала табам дия-дия 13 малай алып кайткан

автор, 9 декабрь 2017 - 08:53

993

Бразилиядә яшәүче фермер Иренеу Круз һәм аның хатыны Джукселейда Сильва беренче сабыйларын көткәндә ире - малайларына, ә хатыны кызларына исем бирәчәк дип сүз куешканнар. Бу хакта "Кызыл таң" газетасы яза. Өйләнешкәннәренә менә инде 20 ел үткән, ә хатынының әле бер тапкыр да баласына исем кушканы юк, чөнки аларның 13 малайлары...

Кыз бала табам дия-дия 13 малай алып кайткан

Бразилиядә яшәүче фермер Иренеу Круз һәм аның хатыны Джукселейда Сильва беренче сабыйларын көткәндә ире - малайларына, ә хатыны кызларына исем бирәчәк дип сүз куешканнар.

Бу хакта "Кызыл таң" газетасы яза.

Өйләнешкәннәренә менә инде 20 ел үткән, ә хатынының әле бер тапкыр да баласына исем кушканы юк, чөнки аларның 13 малайлары бар. Ире аларның барысына да үзе яраткан иң оста футболчыларның исемнәрен кушкан. 13 малай әнисе төшке ашка көн саен бер кило дөге, бер кило ногыт борчагы һәм зур пакет макарон пешерә. Әлбәттә, ишле гаиләдә төрле вакытлар була, ләкин алар ач яшәми. Бер икмәкне һәммәсенә тигез бүлеп, тату гомер кичерә. Малайлар инде оста итеп футбол уйный. Әтиләре аларның Бразилиягә дан китерерлек спортчылар булуы хакында хыяллана. Ә әниләре бәләкәй генә матур кыз бала алып кайтачагына өметен өзми.