Лагерьга яки шифаханәгә ташламалы юллама ничек алырга? /ИНСТРУКЦИЯ/

Башта баланың / яшүсмернең кайсы категориягә керүен билгеләргә:
а) Әти-әнисе дәүләт яки муниципаль оешмада эшләүче балалар – дәлил (эш урыныннан белешмә);

б) Әти-әнисе коммерцияле яки коммерцияле булмаган оешмаларда эшли торган балалар (дәүләт яки муниципаль оешмада эшләүчеләрдән кала) – дәлил (эш урыныннна белешмә);

в) Авыр тормыш ситуациясендә калган 7-15 яшьлекләр (әти-әни кертемен түләми). Алар:

– аз керемле гаиләләрдә тәрбияләнүче балалар – дәлил (балага айлык пособие алу реестрында теркәлгән булу, соңгы 3 ай өчен гаилә әгъзаларының кереме);

– тәртибендә үзгәрешләр булган балалар – дәлил (профилактик исәптә тору);

– экстремаль тормыш ситуациясендә калган яки тормышлары теге яки бу очрак аркасында тереклек эшчәнлеге бозылган балалар;

– качаклар яки күчеп килергә мәҗбүр булган гаиләләрдәге балалар, милләтара яки кораллы конфликтлар, экологик һәм техноген катастрофа, табигать бәла-казасы корбаннары – дәлил (вакытлыча яшәү урыны бирелү турында УФМСтан таныклык яки белешмә);

г) Иҗади яктан сәләтле яки социаль актив балалар – дәлил (диплом, грамоталар);

д) хроник авырулары булган балалар (4 яшьтән башлап, алар белән бергә бару яки үзләрен җибәрү);

е) аякка бастыру өчен дәвалану кирәк булган балалар (4 яшьтән башлап, алар белән бергә бару яки үзләрен җибәрү);

ж) хроник авырулары булып, авыр тормыш ситуациясенә эләккән балалар (4 яшьтән башлап, алар белән бергә бару яки үзләрен җибәрү);

Тиешле оешмага мөрәҗәгать итәргә
а, б, в категориясенә кергән балалары булган әти-әниләргә үзләре торган район яки шәһәрдәге яшьләр эшләре һәм спорт бүлегенә мөрәҗәгать итәргә. Аларның адреслары һәм телефон номерларын http://rcleto.ru/ сайтында табып була.

Казан шәһәрендә – «Ял» шәһәр үзәге, Октябрьнең 25-еллыгы, 13/6 йорты, (8843) 590-24-82;

г категориясенә кергән балаларга Татарстанның Яшьләр эшләре һәм спорт министрлыгына караган оешмаларга мөрәҗәгать итәргә:
– «Лето» республика үзәгенә («Мечта», «Пламя», «Чайка», «Пионер» лагерьлары) – (8843) 293 03 85;

– «Черноморец» республика үзәгенә (Краснодар краендагы һәм Кырымдагы лагерьлар);

– «Сәләт» яшьләр үзәге («Звездный», «Дубок» лагерьларыннан кала) – (8843) 292 16 00;

– Татарстан Мәгариф һәм фән министрлыгына 590 28 32, 590 28 82, 294 95 62; 294095 70, 5 100 149;

– республика профиль сменаларына оештыручыларга (аларның исемлеге http://rcleto.ru/ сайтында бар);

д, е, ж категориясенә керүче балаларга яшәү урыны буенча сырхауханәгә мөрәҗәгать итәргә тиеш, аннары профильле табиб яки педиатрдан дәвалану яки санатор-курорт оешмада тернәкләндерү өчен юллама (№070/У формасы буенча юллама алыр өчен белешмә) алырга;

Документлар әзерләргә:
а, б, в, г категориясенә керүчеләр:

– әтисе яки әнисе гариза яза;

– баланың шушы категориягә керүен дәлилли торган документы;

– гариза язган кешенең паспорты копиясе;

– баланың туу турындагы таныклыгы, 14 яшьтән паспорт – копияләре кирәк;

– баланың фактик яшәү урыны теркәлү урыныннан аерылган очракта – уку урыныннан белешмә;

д, е, ж категориясенә керүчеләр:
– юллама алу өчен гариза яза;

Юллама яки медиицина белешмәсен алу
а, б, в, г категориясенә керүчеләр:

юллама булган очракта:
1) килешү төзү;

2) әти-әни кертемен түләргә кирәк булса, аны түләү;

3) юллама алырга (бары тик әти-әни яки законлы вәкиле);

4) №079 формасы буенча белешмә алыр өчен сырхауханәгә участок педиатрына мөрәҗәгать итәргә;

5) тиешле анализлар тапшырырга (гельминтлар булмау турында – китәргә 5 көн кала; 15 яшьтән флюорография, 14 яшьтән РВ-сифилиска кан тапшыру).

лагерьга урнашканда

1) юллама;

2) баланың туу турындагы таныклыгы, 14 яшьтән паспорт – копияләре кирәк;

3) медицина полисы копиясе;

4) №079 формасы буенча белешмә анализлар белән бергә;

5) прививка сертификаты копиясе;

6) тән авырулары, педикулез булмау турында белешмә;

7) өйдә һәм мәктәптә йогышлы авыру булмау турында белешмә (китәргә 3 көн кала алырга);

д, е, ж категориясенә керүчеләр:
– җавап хаты көтә;

– тәкъдим ителгән вариант белән ризалашкан очракта, санатор-курорт картаны тутырырга.

Ялга / дәвалау үзәгенә бару

Күпбалалы гаиләдә тәрбияләнгән яки әти-әнисез калып, тәрбиягә алынган гаиләдә үстерелгән балага, лагерьга барыр өчен, муниципаль берәмлекләрдәге опека органнарына мөрәҗәгать итәргә кирәк.

Балалары бер генә категориягә дә кермәгән әти-әниләр шулай ук юллама ала ала, тик тулы бәясен түләп.

16 яше тулган балалар лагерьга барган очракта, бюджеттан алынган дотация өчен, аннары салым түләргә тиеш була.

Алинә МИННЕВӘЛИЕВА, Ялкын