НЕРВЛАРНЫ ТЫНЫЧЛАНДЫРУЧЫ ЧИКЛӘВЕК

Арахис, ягъни җир чикләвеге күзәнәкләрне яңартучы фолий кислотасына бик бай. Ул гастрит һәм ашказаны җәрәхәте авырулы кешеләр өчен файдалы. Табиблар аны хәтер һәм игътибарны яхшырту өчен дә ашарга киңәш итә. Моннан тыш, арахис ашау нерв системасының, йөрәкнең, бавырның нормаль эшләвен тәэмин итү өчен дә кирәк. Шулай да аны чамасын белеп кенә кулланырга киңәш ителә. Бигрәк тә чи килеш ашаганда. Киптерелмәгән җир чикләвеген күп ашау ашкайнату эшчәнлеген бозарга мөмкин. Моннан тыш, кабыгының аллергия китереп чыгаруы ихтимал. Шуңа күрә иң яхшысы-арахисны чистартылган һәм кыздырылган хәлдә ашау.

Чыганак: https://vk.com/id423820304