Районыбыз басу-кырларында тулы куәткә язгы кыр эшләре башланып китте. Кояшлы, аяз көннәр кәефне күтәрә, күңелдә килер көннәргә өмет уята. Дөрес, игенче-механизаторларыбыз чәчүгә төшмәде әле. Хәзерге вакытта авыл хезмәтчәннәренең төп максаты - уҗымнарны һәм күпьеллык үләннәрне тукландыру, тырмалау. Тукландыру үләннәргә өстәмә көч бирсә, тырмалау исә туфракта дымны сакларга ярдәм итәчәк. 26...
Районыбыз басу-кырларында тулы куәткә язгы кыр эшләре башланып китте. Кояшлы, аяз көннәр кәефне күтәрә, күңелдә килер көннәргә өмет уята. Дөрес, игенче-механизаторларыбыз чәчүгә төшмәде әле. Хәзерге вакытта авыл хезмәтчәннәренең төп максаты - уҗымнарны һәм күпьеллык үләннәрне тукландыру, тырмалау. Тукландыру үләннәргә өстәмә көч бирсә, тырмалау исә туфракта дымны сакларга ярдәм итәчәк.
26 апрель көнне район авыл хуҗалыгы һәм азык-төлек идарәсеннән алынган мәгълүматларга караганда, уҗымнарны тукландыру 8200 гектарда (89%) башкарылса, күпьеллык үләннәр 4800 гектар мәйданда (43%) ашланган. 9500 гектарда (86%) күпьеллык үлән басуы, 3100 гектар мәйданда көзге культуралар тырмаланган. 2200 гектарда (8%) дым каплатылган. План буенча 28200 гектар мәйданда дым каплату карала. Хуҗалыкларда 2600 тонна (68%) чәчүлек орлыкка инкрустация үткәрелгән.
Бүген көзге культураларны тукландыру эше җаваплылыклары чик-ләнгән "Алан", "Агролак" ширкәтләрендә, "Сөт иле - Теләче" агрофирмасының Муса Җәлил исемендәге бүлекчәсендә тәмам. Җаваплылыгы чик-ләнгән "Агролак", "Таң" ширкәте механизаторлары күпьеллыкларны тукландырып бетерде. Күпьеллыкларны тырмалауда җаваплылыклары чикләнгән "Агролак", "Тукаш", "Таң" ширкәте, ачык типтагы "Теләчеагрохим-сервис" акционерлык җәмгыяте механизаторлары зур өлгерлек күрсәтеп эшләделәр. Дым каплатуда "Таң", "Агролак" ширкәте механизаторлары зур активлык күрсәтәләр. Иң күп ашлама җаваплылыклары чикләнгән "Агролак", "Алан", "Игенче" ширкәтләрендә тупланган. Әлеге хуҗалыкларда һәр гектарга 60шар, 55шәр килограмм тәэсир итү көчендәге ашлама туры килә.
Күпьеллыкларны, көзге культураларны тукландыруда һәм тырмалауда Әмир Мөбәрәкшин ("Сөт иле - Теләче" агро-фирмасының "Баландыш" бүлекчәсеннән), Нияз Латыйпов ("Игенче" ширкәтеннән), Рамил Хуҗиәхмәтов ("Таң" ширкәтеннән), Илшат Хәсәншин ("Сөт иле - Теләче" агро-фирмасының "Чулпан" бүлекчәсеннән), Рәшит Хәбиров ("Алан" ширкәтеннән), Хөснулла Шәйдуллин ("Сөт иле - Теләче" агрофирмасының Сауш бүлекчәсеннән) Альфред Кәримуллин ("Сөт иле - Теләче" агрофирмасының "Айдар" бүлекчәсеннән) фидакарьлек үрнәге күрсәтеп эшлиләр.
Шундый ук активлыкны һәм фидакарьлекне без, 25 апрель көнне, район авыл хуҗалыгы һәм азык-төлек идарәсе җитәкчесе Ралиф Низаметдинов белән җаваплылыгы чикләнгән "Агролак" ширкәтендә дә күрдек. Биредә аеруча көзге культураларның торышы сөендерә. Кыштан язга яхшы хәлдә чыкканнар. Шәткелеләр тарафыннан көз көне дә аз хезмәт куелмаган, хәзер дә яхшы тәрбияләгәннәр. Ямь-яшел уҗымнар күзне иркәли, мул уңыш вәгъдә итәләр. Сөбханалла! Һәр хуҗалыкта да уҗым культураларының торышы алай түгел. Кызганыч, кайбер хуҗалыкларда, субъектив сәбәпләр аркасында, көздән эшкәртелми калган басулар да бар. Мәсәлән, «Сөт иле - Теләче» агрофирмасының узган ел эшкәртелми калган кукуруз басуларын күргәч, йөрәк әрни.
Бүген шәткелеләр дым каплата башлады. Тагын бер-ике көннән сабан чәчүен башлаячаклар. Биредә кайсы гына басуга барып чыкма, тракторлар гөрелтесе ишетәсең. Күңелне күтәрә, йөрәккә яшәр көч бирә торган манзара бу.
Фәнил Гаязов.
Фотода: җаваплылыгы чикләнгән "Агролак" ширкәте механизаторлары Илсур Гыйләҗев белән Зиннур Габдриевлар төшке аш вакытында. Зиннур ага лаеклы ялда булса да, туган хуҗалыгына ярдәм итүдән туктамый.
Автор фотосы
Иң мөһим һәм кызыклы язмаларны Татмедиа Telegram-каналында укыгыз
