ШӨКЕР ИТИК

Гомер ул- йөгерек чишмә,
Югала китеп генә
Шуңа күрә яши күрик,
Шөкерне итеп кенә

Тамагыңнан ашың үтсә,
Чәй эчсәң тирләп-пешеп
Җылы өең көтеп торса,
Кайтып кергәндә өшеп

Хәл белешеп торыр өчен
Дустың булса, туганың
"Әле дә син бар әле!" -диеп
Җилкәң кочса, тиң ярың

Балаларың тупырдашып
Бер-бер арты үссәләр
Алар бары бәхет-шатлык,
Сөенеч китерсәләр

Нинди бәхет, димәк инде
Гомер бушка үтмәгән
Өмет-хыялың тормышка
Ашкан, озак көтмәгән

Салмак кына гомер ага,
Үз юлын үзе белеп
Булганына шөкер итик,
Әлхәмду-лилләһ диеп!!!

Рушания Ахмадуллина (Чанышева)