Теләче Информ
Язмалар

"Теща"ларыгызны котларга онытмагыз!

автор, 17 октябрь 2017 - 18:41
819
0
0

Рәхмәтләр әйтеп, көн буена кулларны юып, бер атна "бәйрәм иттек" бит, ә! Анысы да төгәлләнде дип күңелсезләнергә кирәкми, чөнки алда безне тагын да "тәмлерәк", кызыклырак, хәтта сәеррәк көннәр көтеп тора. Бу атнада, ягъни 16 октябрьдән 22сенә кадәр кайсы даталарда күңел ача алырбыз икән? Яңа елны ничек каршыласаң, шулай үткәрәсең дигән...

Рәхмәтләр әйтеп, көн буена кулларны юып, бер атна "бәйрәм иттек" бит, ә! Анысы да төгәлләнде дип күңелсезләнергә кирәкми, чөнки алда безне тагын да "тәмлерәк", кызыклырак, хәтта сәеррәк көннәр көтеп тора. Бу атнада, ягъни 16 октябрьдән 22сенә кадәр кайсы даталарда күңел ача алырбыз икән?

Яңа елны ничек каршыласаң, шулай үткәрәсең дигән гыйбарәне ай, атна, хәтта аерым бер көнгә генә карата да кулланырга яратам мин. Ә бу атнаны җиңел генә үткәреп җибәрергә мөмкинлек тә бар. Дөрес, 16 октябрь - Халыкара җитәкчеләр көне булуын онытмаган һәм иртән иртүк үзегезнең боссны бәйрәме белән ихлас котлап өлгергән очракта гына бу мөмкин. Дүшәмбе иртәсен "яраткан" яки чыннан да яраткан шефларыгызга кечкенә генә бүләк биреп яки матур сүзләр әйтеп тәбрикләсәгез, үзегезнең үк бәйрәмдәй көннәрегез киләсе бер-ике атнага сузылыр! Шаяртуларсыз әйткәндә, җитәкче - ул, беренче чиратта, ялсыз хезмәт кую, һәр сүз, һәр адым, үзең белән эшләүчеләрнең иминлеге өчен җаваплылык. Бу кыю һөнәр ияләре үз бәйрәмнәре булуына, чын мәгънәсендә, лаек!
Бу бәйрәм акча кенәгәсен әзрәк "юкартыр" дип борчылучыларга алдагы дата турында укып та тормаска киңәш итәрмен, мөгаен. Ярый, бу турыда бик кыска гына хәбәр итеп китим, булмаса. 19 октябрь - Халыкара кредит берләшмәләре көне. Мондый җирдә эшләүчеләрдән бүләк биреп, аеруча матур сүзләр әйтеп кенә "котылып" булмас шул. Алай-болай кредит тарихыгыз яхшы булмыйча, шул хакта аралашыр өчен шалтыратсалар, бәйрәмнәре белән котлау гына җитмәс. Иң әйбәте - бу көнне булган бурычларыгызны кайтару. Килешәм, сәер һәм бик үк күңелле саналмаган бәйрәм. Хех, "бәйрәм"…
Аның каравы, 20 октябрь көнне тәмле ашарга әзерләнәбез! Бу атнаның җомгасында бөтен дөнья буенча пешекчеләр һәм кулинарлар үз бәйрәмнәрен зурлап уздыралар. Алар үзара осталыкларын тикшерү бәйгеләре оештыралар, дегустацияләр һәм оригиналь ризыклар пешерү кебек экспериментлар ясыйлар. Пешекче булмасаң да, бу көн вакыйгаларын читтән күзәтеп кенә йөрергә түгел. Һәрберебез дә кечкенә чакта, әни өйдә булмаганда, пешергән булып кыланып, күп продуктларны юкка чыгарганы бар бит. 20се көне дә - дустың яки сөйгән кешең белән очрашып, гадәти булмаган табын әзерләп, җылы атмосферада ял итү өчен менә дигән сәбәп.
Әгәр өстәлегездә баллы "тәмнүшкәләр" урын алган булган икән, 21 октябрьдә аларны җыеп куярга ашыкмагыз. Ни өчен дигәндә, бу атнаның шимбәсе - тәм-томнар көне. Бу көн әлегә АКШ территориясендә генә уздырылса да, тора-бара безнең якларга да килеп җитәр дип өметләник. Күз алдына гына китерегез: курыкмыйча, теләсә нинди күләмдә баллы ризыклар ашар өчен "җитди" сәбәп булыр иде бит!
Атнаны җитәкчеләр көне белән башладык - шулай тәмамлыйбыз да. Өлешчә җитәкчеләр көне белән… 22 октябрь - Халыкара "тёщалар" - А.В.Иванов әйтмешли, гаиләнең тышкы җитәкчеләре көне бит әле. Эх, кияүләргә бу якшәмбедә аларның кәефләрен бозмас өчен тырышырга туры киләчәәәк! Көлеп кенә әйтәм, билгеле. Инде бик күптәннән "тёща"-кияү мөнәсәбәтләре меңәрләгән мәзәкләр тууга сәбәпче булуы һичкемгә сер түгел. Шулай да әле татар ир-егетләре аларга үз итеп "әби" дип дәшәләр. Ә календарьда мондый бәйрәмгә дә урын бирелү - гаилә әгъзалары арасындагы мөнәсәбәтләрне ныгыту, аларны бер-берсенә якынайту өчен бик күркәм сәбәп. Хөрмәтле өйләнгән ир-атлар, атнаның теләсә кайсы бәйрәме турында искә алмаска мөмкин, тик, зинһар, якшәмбе көнегезне "әби" янына, котлау сүзләре запасын "кыстырып", кунакка керергә онытмагыз! +
Күрүебезчә, бу атнаны да бик күңелле үткәрергә була. Дөрестән дә, вакытны ничек уздырырга дип баш ватсагыз, фантазиягез һич кенә дә ярдәмгә ашыкмаса, бары календарьга гына күз төшерү җитә. Бөтен тормышыбыз аерым көннәрдән төзелә. Үзеңне һәрвакыт бәхетле хис итәр өчен, һәр көнеңне кабатланмас итеп уздыра белү мөһим. Күңелсезләнергә сәбәп чыгар ул, күңелле яши белергә кирәк!

    Рәзилә ӘХТӘМОВА
    Идел

    Реклама

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Авторизоваться
    Осталось символов:
    © 2011 - 2021. Телэче (Тюлячи). Все права защищены.
    © ТАТМЕДИА. Все материалы, размещенные на сайте, защищены законом.
    Перепечатка, воспроизведение и распространение в любом объеме информации,
    размещенной на сайте, возможна только с письменного согласия редакций СМИ.
    При поддержке Республиканского агентства по печати и массовым коммуникациям «ТАТМЕДИА».
    Наименование СМИ: Телэче (Тюлячи)
    № свидетельства о регистрации СМИ, дата: Эл №ФС77-47609 от 07.12.2011 г.
    выдано Федеральной службой по надзору в сфере связи,
    информационных технологий и массовых коммуникаций
    ФИО главного редактора: Хузин Ленар Юсупович
    ФИО руководителя: Хузин Ленар Юсупович
    Адрес редакции: 422080, Республика Татарстан, Тюлячинский р-н, с. Тюлячи, ул. Луговая, д. 6а
    Телефон редакции: (84360)2-⁠13-⁠27

    Email: tulinf@rambler.ru
    Электронная почта филиала для сообщений о фактах коррупции: tulinf@rambler.ru
    Учредитель СМИ: АО «ТАТМЕДИА»
    Политика о персональных данных
    Антикоррупционная политика
    Телефон АО «ТАТМЕДИА»: (843) 222 09 84
    16+