Алабуга янында М7 юлында һәлакәттә өч яшьлек бала зыян күргән

Өч яшьлек бала "Волга" М7 федераль юлының 1030нчы чакрымында - Алабуга районы Поспелово авылы янында килеп чыккан юл-транспорт һәлакәтендә зыян күргән. Һәлакәттә барлыгы ике кешегә зыян килгән. Бу хакта "Татар-информ" агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иттеләр.

Юлда ике чит ил машинасы - "Тойота Королла" һәм "Рено" бәрелешкән. Хәбәр Алабуга районының 112 ашыгыч хезмәте номерына кичә 12 сәгать 56 минутта алынган. Урынга 75нче янгын-сүндерү часте чыккан. Коткаручылар 61 яшьлек "Рено" йөртүчесен һәм "Тойота"ның өч яшьлек пассажирын чыгарып, Алабуга ашыгыч ярдәм медикларына тапшырган. Аннан машиналарның аккумуляторларын сүндергән.

Ир-атның ике кабыргасы сынган, баш мие селкенгән һәм башында ябык җәрәхәт билгеләнгән. Баланың тез буыны каты бәрелгән.

Татар Информ