Балтач районында юл Һәлакәте булган (фото-видео)

Соңгы мәгълүматлар буенча, Балтачтагы сөт-май комбинаты янында шушы көннәрдә булган юл-транспорт һәлакәте вакытында рульдә Марий-Эл республикасы шоферы булган. Аның янында барган пассажирны ашыгыч ярдәм хезмәте алып киткән.

Машина йөртүчесе дә исән-сау. Һәлакәт ни сәбәпле килеп чыкканы билгеле түгел. Шаһитлар сүзләренчә, машина кинәт кенә юл читенә төшеп киткән, дип яза район сайты.

Нәтиҗәдә, сөт-май комбинаты парковкасындагы машиналар да зыян күргән. Хәзерге вакытта һәлакәтнең сәбәбе ачыклана. Бу һәлакәттә исән калу могҗизага тиң! Юлларда исән-сау йөрик!

Матбугат.ру