Юл-транспорт һәлакәте Сызрань - Саратов - Волгоград трассасының 532 нче чакрымында булган.

Сызрань - Саратов - Волгоград трассасының 532 нче чакрымында зур йөк машинасы әйләнеп капланган - фура йөртүчесе урында укүлгән, дип хәбәр итә "Челнинские известия".

Чаллыдан исерткеч эчем төяп алып барган "Ман" фурасы юл кырыена төшеп капланган. Һәлакәт аркасында 24 яшьлек машина йөртүче урында ук үлгән, өч пассажиры - 25 яшьлек ир-ат һәм 32 яшьләрдәге ике хатын-кыз хастаханәгә озатылган.

Җирле кешеләр һәм узып баручы автомобиль хуҗалары арасында мародерлык гамәле кылучылар - таралып яткан тартма-тартма сыраларны ташучылар да булган, дип яза әлеге басма.

Татар-информ