Әлмәттә җитди юл һәлакәтендә "Лада" машинасына ут капкан

Гадәттән тыш хәл Әлмәтнең Ленин һәм Төзүчеләр урамнары чатында килеп чыккан.

Башлангыч мәгълүматлар буенча, машина йөртүче полиция хезмәткәрләреннән качып китмәкче булган. Машина кызу тизлектә юл читенә чыгып киткән һәм газонга кереп баткан. Шуннан соң "Лада"га ут капкан.

Авария урынында булган кешеләр һәм ЮХИДИ хезмәткәрләре машина йөртүчене җимерек машинасыннан чыгарган. Күргән кешеләр әйтүенчә, машина йөртүче исерек булган.

Татар -информ