Өч фура бәрелешкәч чыккан янгын видеосы пәйда булды

(Казан, 28 август, "Татар-информ"). 27 августта М7 трассасында бәрелешүдән соң өч йөк машинасына ут капкан. Яна торган машиналар сурәтләнгән видео социаль челтәрләрдә чыкты.

Бу хакта “Татар-информ” агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иткәнчә, М7 трассасының 822 чакрымындагы юлда йөк машинасы ватылган. Аңа ярдәмгә икенчесе килгән. Шул вакытта аларга тагын бер йөк машинасы килеп бәрелгән. Бәрелешүдән соң өч йөк машинасына ут капкан.

Һәлакәттә машина йөртүчеләрнең берсе үлгән. Тагын бер кеше имгәнгән.

Фото: соцсети