Теләче Информ

Питрәчтә юл-транспорт һәлакәтендә ике кеше үлгән, икесе зыян күргән

Бүген Питрәч районында юл-транспорт һәлакәте килеп чыккан - өч автомобиль бәрелешкән, ике кеше һәлак булган. Бу хакта "Татар-информ"га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр. Иртән 6.11 сәгатьтә бердәм 112 номеры коткару хезмәтенә М7 трассасының 878 нче чакрымында юл-транспорт һәлакәте булуы турында хәбәр ителә....

Бүген Питрәч районында юл-транспорт һәлакәте килеп чыккан - өч автомобиль бәрелешкән, ике кеше һәлак булган. Бу хакта "Татар-информ"га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Иртән 6.11 сәгатьтә бердәм 112 номеры коткару хезмәтенә М7 трассасының 878 нче чакрымында юл-транспорт һәлакәте булуы турында хәбәр ителә. Татар Казысы авылы борылышында 28 яшьлек йөртүче идарәсендәге "Фредлайнер" фурасы, 40 яшьлек ир-ат идарә иткән "ГАЗ" йөк машинасы һәм өч пассажиры булган "Шевроле" машинасы бәрелешкәннәр.

Реклама

Һәлакәт аркасында җиңел автомобиль йөртүче һәм аның пассажиры урында ук вафат булган. Һәлакәт урынына 126 нчы номерлы янгын сүндерү-коткару бүлеге хезмәткәрләре, "Шәле" посты янгын сүндерүчеләре, полиция һәм медцина хезмәткәрләре килгән. Ике зыян күргән пассажирны ашыгыч ярдәм бригадасына тапшырганнар.

Татар-информ

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: