һәркем рәхмәтен җиткерергә тырышты
Бөек Җиңүнең 80 еллыгы уңаеннан игълан ителгән “Алар даны мәңгелек” сәнгать фестивале авыл җирлекләрендә уңышлы дәвам итә. Аның чираттагысы, 23 февраль көнне, Югары Кибәхуҗа авылы мәдәният йортында күрсәтелде.
Театральләштергән кереш өлеше белән башланып киткән концертта Максабаш, Югары Кибәхуҗа авылы үзешчәннәре белән беррәттән, Югары Кибәхуҗа мәктәбе укучылары белән педколлективы да зур көч куйды. Кыскасы, бу көнне һәркем концертка үзеннән лаеклы өлеш кертергә, Бөек Ватан сугышында катнашкан, һәлак булган, тылда көнне-төнгә ялгап эшләгән әби-бабаларыбызга ихлас рәхмәтен җиткерергә тырышты.
Концерт барышында озак еллар Югары Кибәхуҗа авылы мәдәният йорты директоры булып эшләгән, узган ел вакытсыз арабыздан киткән Фәнил Минҗан улы Миннекәевны да искә алдылар. Әгәр исән булса, аңа бу көнне 55 яшь тулган булыр иде. Аның якты рухына багышлап Илназ Сөнгатуллин җыр башкарды.
Фәнил Гаязов.
Следите за самым важным и интересным в Telegram-каналеТатмедиа
Нет комментариев