Һәр гөлнең үз көче

Алоэ (йөзьяшәр) — көтелмәгән кунаклардан, бәхетсезлекләрдән саклый. 
Аспидистра — кешенең холкын ныгыта. 
Бальзамин — оялчан кешеләр өчен файдалы. 
Бамбук — уңыш символы, карьера омтылышы бирә.
Гибискус — мәхәббәт, тугрылык чәчәге. 
Диффенбахия — бүлмә һавасын һәм энергетикасын чистартучы. 
Драцена — уңыш символы, низагларны җайга салырга ярдәм итә. 
Ясмин — күңел төшенкелегеннән котылырга булыша. 
Алтын мыек — өйдә көчле биокыр барлыкка китерә, энергетик донор. 
Кактус — оялчанлыкны җиңәргә булыша. 
Лавр — тынычлык тели, низагларны җиңәргә ярдәм итә. 
Мирт — кәләшләр гөле. Кыз үзе үстергән гөлнең ботакларын туйда кунакларга бүләк итү гадәте бар, бу аңа гаилә бәхете алып килә. 
Монстера — хуҗасын башка кешеләр йогынтысыннан саклый. Начар энергетиканы йота. 
Маранта — өйдәге рухый тигезлеккә ирешергә ярдәм итә. Икенче исеме — “дога кылучы гөл”.
Пальма — уңыш, югарыга омтылыш символы.
Абагага иркенләп үсәрлек урын кирәк. Ул балаларга файдалы. 
Пеларгония (яран) — кешегә көч бирә, аеруча өлкән яшьтәге хатын-кызларга файдалы. Невроз, стресстан коткара, йокыга китәргә булыша, күз тиюдән саклый, балалар бүлмәсенә куярга кирәк. 
Плектрантус — акча китерә.
Пуансеттия — оялчан кеше аның янында батырая. 
Сциндапсус — хатын-кыз тугрылыгы символы. Өйнең энергетикасын чистарта. 
Толстянка (акча гөле) — күрәзәче гөл: яфраклары вак булса, кесәдә тиеннәр генә чыңлый, эре икән, кәгазь акча кыштырдавын көтегез. Нәтиҗәсе булсын өчен, кызыл чүлмәккә утырталар. 
Традесканция — гайбткә һәм көнчелеккә нокта куя. Хуҗасын чирләрдән саклый.
Фиалка (миләүшә) — балалар белән үзара элемтәне ныгыта.
Фикус — гаиләдә тыныч, дустанә мөнәсәбәт урнаштырырга, стресстан арынырга, йокыга китәргә булыша. Хатын-кыз чирләре булганда, балага узарга ярдәм итә. 
Хлорофитум — һаваны чистарту үзлеге буенча беренче урында. Өйдәге микроклиматны яхшырта, бәхет китерә. 
Хризантема — Япониядә тормыш символы санала. 
Цикламен — начар төш күрүдән, караңгы уйлардан саклый, курку хисен бетерә. Йокы бүлмәсенә кую яхшы.

Ирек мәйданы

фото: mirrasteniy.com