- Намазны вакытында укый алмасаң, җыеп уку дөрес буламы? М., Иске Җөри Район имам-мөхтәсибе Исмәгыйль хәзрәт Фәләхиев җавабы: - Аллаһы Тәгалә Коръәндә: "Намаз - мөэминнәр өчен билгеле бер вакытта үтәлә торган гыйбадәт", - ди. Шушы аятькә карасаң, һәрбер намазның үз вакыты бар. Дөнья эше намазга кимчелек китерергә тиеш түгел. Әгәр...
- Намазны вакытында укый алмасаң, җыеп уку дөрес буламы?
М., Иске Җөри
Район имам-мөхтәсибе Исмәгыйль хәзрәт Фәләхиев җавабы:
- Аллаһы Тәгалә Коръәндә: "Намаз - мөэминнәр өчен билгеле бер вакытта үтәлә торган гыйбадәт", - ди. Шушы аятькә карасаң, һәрбер намазның үз вакыты бар. Дөнья эше намазга кимчелек китерергә тиеш түгел. Әгәр кеше намазын үти алмый торган булса, Аллаһы Тәгалә аны тагын да киметкән булыр иде. Белгәнебезчә, Мигъраҗ кичәсендә Аллаһы Тәгалә без өммәтенә 50 вакыт намаз билгеләде. Үзенең рәхмәте белән аны биш вакытка калдырды. Пәйгамбәребез өч кеше генә намазны калдыра ала диде: сабый бала, аңын җуйган кеше, йоклап калган кеше. Шушы өч сәбәптән тыш, кеше бернинди сәбәпләр белән дә акланып калдыра алмый. Чөнки Аллаһы Тәгалә намаз вакытларын уңайлы итеп куйды. Намазның вакыты кергәч тә укымасаң, әле синең икенче намазга кадәр вакытың бар. Мәсәлән, өйлә намазы сәгать 12дә керә. Икенде намазы сәгать 16.40та. Намаз укучы шушы аралыкта өйлә намазын укырга тиеш. Шулай булгач, безнең теләгебез бар икән, 10 минут вакытны, һичшиксез, таба алачакбыз. Динебездә бөтен гамәлләр безнең иманыбызга бәйле. Әгәр дә җәннәт белән җәһәннәмне хакыйкый танысак, без беркайчан да динебездәге гамәлләрне калдырмыйбыз.
Сорауларыгызны 21-1-52, 89656069575 телефон номерларына шалтыратып калдыра аласыз.
Сәхифәне Алинә Шәмәрданова алып бара.
Иң мөһим һәм кызыклы язмаларны Татмедиа Telegram-каналында укыгыз
