Дәүләт хезмәте аша да алдыйлар

Исегезгә төшерәбез –  “шәхси кабинет”ыгызның һәм банк картасының код-саннарын бер кешегә дә әйтергә ярамый.  Чөнки, мошенник синең шәхси кабинетың аша кредит килешүе дә төзергә ихтимал. 

Интернетта, социаль челтәрләрдә хәзер һәр кешенең диярлек фоторәсемнәре бар. Мошенниклар предприятие яки оешма директоры фотосын куеп “акча күчер” дип, хезмәткәргә СМС-хәбәр җибәрә. Туганнарның фотосы белән дә хәбәр килгәли. Кайбер кешеләр, әлбәттә инде, фоторәсеме белән үк килеп чыккан хәбәргә ышана, тикшереп тормыйча акча күчерә. Мондый хәбәрләрне тикшерергә кирәк, шунда ук акча күчермәгез.

Федераль иминлек хезмәте, полиция хезмәткәрләре кешеләрнең банктагы акчалары мәсьәләсендә телефоннан шалтыратулар ясамый. Мондый шалтырату ишетсәгез, бу – ялган.