Өйдә хәлвә ясаганыгыз бармы?

Кирәк булачак:

*350 гр чистартылган көнбагыш орлыгы (кунжут орлыгыннан да ясарга була)

*190 гр бодай оны, 150-200 гр шикәр

*берәр уч арахис яки башка берәр чикләвек (булмаса да ярый)

*125 мл су, 125 мл үсемлек мае

Әзерләү: 

Көнбагыш орлыгын табада кыздырабыз һәм блендер яки ит тарткыч аша берничә мәртәбә әйбәтләп уып  чыгарабыз. Онны да кыздырып алабыз. Тирән савытта он белән төелгән орлыкларны кушып болгатабыз. Шикәр белән суны 5 – 7 минут кайнатып сироп ясыйбыз, ул арада коры катнашмага май салып бутыйбыз. Чикләвекләр салырга да була. Иң азактан сироп салына һәм барысы тагын бер кат яхшылап болгатыла. 

 Азык пленкасы җәелгән яки майланган формага бушатып, берничә сәгатькә калдырабыз. Хәлвә әзер!

Фото: ru.depositphotos.com

Чыганак: idel-tat.ru