Алан авыл җирлегендә бәйрәм гөрләде
Яңа ел бәйрәмен бар авыл халкы белән урамда каршылау, 2020 елның тарихта калырлык үзенчәлеге булды.
Алан авылының олысы- кечесе дә чыршы янына җыелды. Һава торышы да, барыбыз да көтеп алган бәйрәм уңаеннан җылы иде.Тын гына җиргә төшкән ак кар бөртекләре сихрилек өстәде. Бәйрәмне Алан авыл җирлеге башлыгы Булат Хәсәнов ачып җибәрде. Ул килгән кунакларны, авыл халкын Яңа ел белән котлады. Тамаша җыр- биюгә бай булды. Әкият геройлары шүрәле, убырлы, 2021 елның символы булган үгезләрне чанага җигеп, Кар кызы белән Кыш бабайны утыртып алып килделәр. Бәйрәм чарасы авыл үзешчәннәре чыгышы белән үрелеп барды. Яңа ел тамашасында катнашучылар кызыклы уеннарда катнашты, рәхәтләнеп биеде, күңел ачты.
Следите за самым важным и интересным в Telegram-каналеТатмедиа
Нет комментариев