Теләче Информ

Әбдедә скандинавия йөреше популярлаша бара

Хәзерге вакытта сәламәт яшәү рәвеше тагын да популярлаша бара. Әбде авылының күп кенә кешеләре скандинавия йөреше — чаңгысыз таяк белән йөрү белән мавыктылар.

Скандинавия йөреше-фитнес төре, аны әле төньяк яки нордик йөреш дип тә атыйлар. Мондый төр йөреше гадәти йөрүгә караганда шактый нәтиҗәлерәк. Мондый йөреш аяк һәм пояс бүлеге мускулларын гына түгел, күкрәк һәм җилкә бүлекләре мускулларын да җәлеп итә. Дөрес техника кулланганда, бик файдалы җәяү йөрү төре.Бу төрне яратучылар Әбдедә дә аз түгел.

Безгә салкын көннәрнең берсендә скандинавия йөрешен яраткан авыл халкы белән аралашырга насыйп булды. Алар авыл тирә-юненнән йөргәннәр. Без кызыклы хатын-кызлар белән танышуыбызга, тормышлары, мавыгулары турында бик күп кызыклы нәрсәләр ишетүебезгә шатбыз. Алар кем почтада, кем балалар бакчасында, Кем мәктәптә эшлиләр. Кыскасы, төрле һөнәр ияләре. Алар яшь чакта, үзләре әйткәнчә, ял итәргә вакыт та булмады: эш, гаилә, балалар, йорт хайваннары ул елларда да аз түгел иде. Хәзер кайберәүләр тавыклар гына асрыйлар, балалар үсеп, кош-корт кебек таралалар. Хәзер үз-үзеңә, үз мәнфәгатьләренә вакыт барлыкка килде. Менә һәр көн саф һавага чыгалар. Гадәттә, алар кичке сәгать биштә очрашалар. Көнгә бер ярым-өч сәгать йөриләр, өч-дүрт километр чигәләр! Пенсионерлар өчен мондый йөрүләр-очрашулар, аралашу өчен сәбәп. Өлкән буын кешеләре өчен иң мөһиме-аралашу бит. Йөреш аларга көч, энергия бирә. Шул рәвешле алар сәламәтлекләрен, физик формасын саклыйлар. Кайберәүләр инде дүрт ел йөреш белән шөгыльләнә, әмма яңа уенчылар да бар. Аларның күбесе сәламәт яшәү рәвеше турында газеталар язалар, скандинавия йөреше турында мәкаләләр укыйлар. Хәтта аларга суык та куркыныч түгел!

Хатын-кызлардан: «Салкын булудан курыкмыйсызмы?», - дип сорадык.

Алар: "Юк! Киресенчә, салкында йөрергә җиңелрәк. Ул безне бары тик дәртләндерә", -дип җавап бирделәр.

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: