Бәхетле очрак: мамадышлы лотереяда узыш автомобиле отты

Күңел түрендә  безнең һәркайсыбыз лотереяда зур отыш алу яки зур сумма акча табу турында хыяллана. Күптән түгел генә Мамадыш районында яшәүче Булат Гайнуллинга шундый бәхет елмайды, егет бүләккә автомобиль отты. Булат 2013 елдан башлап "Дрифт" стилендә узышларның фанаты булып тора.

Уйнату Красноярск шәһәрендә "Zarrubin" Youtube-каналында турыдан-туры эфирда узды.  Булат бернинди нәтиҗә дә көтмәгән.

“Георгий Чивчян, минем кумирым, турыдан-туры трансляция вакытында миңа шалтыраткач, мин шок хәлендә калдым”, - дип кичерешләре белән уртаклаша җиңүче.

Бүләк белән нәрсә эшләргә, Булат әлегә хәл итмәгән.