Дәүләт хезмәтләренә язылуны рәсмиләштереп, штрафлар турында фото белән тулырак хатлар алып була

Татарстан машина йөртүчеләре ТР Дәүләт хезмәтләренә язылу рәсмиләштереп, штрафлар турында тулырак хатлар ала алачаклар. Бу хакта «Татар-информ» МА республика Дәүләт автоинспекциясендә хәбәр иттеләр.

ЮХИДИда аңлатуларынча, элек шоферларга шәхси кабинетка яңа штраф турында белдерү һәм аны түләү тәкъдиме генә килгән. Шулай ук почтага фотоларны бозу турында тулы мәгълүмат белән хат килгән.

Хәзер, электрон карарларга язылу рәсмиләштереп, машина йөртүчегә бүтән физик формада хат килмәячәк, бөтен берләштерелгән мәгълүмат һәм фото шәхси кабинетка җибәреләчәк.

Язылу өчен ТР Дәүләт хезмәтләре рәсми порталына керергә һәм "ЮХИДИ хезмәтләре" бүлеген сайларга кирәк. Шуннан соң «Электрон карарларга язылу»на басарга кирәк. Шәхси кабинетка кереп, гариза тутырыгыз һәм язылуны рәсмиләштерегез.