Җиңү көнендә Татарстанда 26 градуска кадәр җылыта

Шимбә көнне республика тотрыксыз һава массасында көнбатыш циклонның алгы өлешендә урнашачак. «Аязучан болытлы һава торышы көтелә. Урын белән бераз яңгыр явачак. Җил көньяк-көнчыгыштан, талгын. Төнлә һава температурасы +6, +11, көндез +19, +24 градус тәшкил итәчәк», - дип хәбәр итә синоптиклар.

9 майда явым-төшем көтелми, шулай да көндез яңгыр яварга һәм җилнең тизлеге көчәйгәндә секундына 15 метрга кадәр җитәргә мөмкин. Көндезге сәгатьләрдә һава температурасы +21, +26 градус тәшкил итәчәк. Башлангыч фаразлар буенча, дүшәмбе көнне урыны белән бераз яңгыр явачак. Төнлә һәм иртән +8, +13 градус җылы булса, көндез термометрның терекөмеш баганасы +18, +23 градуска кадәр күтәреләчәк.

11 майда явым-төшем ихтималы аз. Төнлә һава температурасы +6, +11, көндез +19, +24 градус тәшкил итәчәк. 

Чыганак