Казан Сабан туенда теләчелеләр ут уйнатты! (фоторепортаж)

28 май көнне Казан шәһәренең Тынычлык бистәсендә каенлыкта Сабантуй бәйрәме булып үтте.

Быел ул бөек шагыйрь Габдулла Тукайның тууына 130 ел тулуга багышланды. Мәйданга керү юлында 11 ишегалдында республикада яшәүче милләтләрнең гореф-гадәтләрен, милли үзенчәлекләрен чагылдыручы күренешләр тәкъдим ителде.

Шуларның берсендә Сабантуй кунакларын районыбыз үзешчән сәнгать осталары, һөнәрчеләр һәм спортчылар каршы алды. Районыбыз үзешчәннәренең, спортчыларының чыгышын һәм һөнәрчеләребезнең эшләрен Сабантуйның дәрәҗәле кунаклары - РТ Президенты Рөстәм Миңнеханов, республика кунаклары һәм башка рәсми затлар карады.

Фәнил НИГЪМӘТҖАНОВ

Автор фотолары