Мичәнбашта кеше үлеменә китергән янгын булды

29 июньдә Эзмәдә килеп чыккан ут-бәла казасыннан соң, кабат аянычлы хәл: бүген иртәнге сәгать 3ләрдә Мичәнбаш авылында шәхси хуҗалык йорты, верандасы һәм мунча янды. Бу юлы үлем-җитем очрагы белән. 1963 елгы йорт хужасы ут эчендә вафат булды. Тикшерү бара. Гадәттән тыш хәлләр министрлыгының райондагы хезмәтләре җитәкчеләре эссе көннәрдә халыкның ут-күз бәласеннән аеруча сак булуларын, янгын куркынычсызлыгы кагыйдәләрен төгәл үтәүләрен сорый, дип яза "Саба таңнары".