“Моңнар агыла туган җирдә”

2021 елның ноябрь аена кадәр дәвам итәчәк фестиваль Теләче муниципаль районы башкарма комитетының мәдәният бүлеге тарафыннан үткәрелә. Фестивальнең максаты: талантлы яшьләрне ачыклау, туган як тарихын һәм мәдәниятен сәнгати чаралар аша пропагандалау, якташ-сәнгатькәрләр иҗатына кызыксыну уяту. Иҗат фестивалендә 5 яшьтән 55 яшькә кадәр һәм аннан өлкәнрәк яшьтәге, районыбыз биләмәсендә яшәүче аерым башкаручылар да, читтә яшәүче якташларыбыз да катнаша алачак.

Фестиваль-конкурс үзе түбәндәге номинацияләрдән гыйбарәт: “Вокал соло”, “Вокаль ансамбльләр”, “Гаилә ансамбльләре”, “Хореография”, “Конферанс”, “Нәфис сүз”, “Инструменталь жанр”, “Вокаль-инструменталь жанр”, “Иң яхшы видеоролик”, “Декоратив-гамәли сәнгать”, “Иң яхшы концерт программасы”. Фестиваль кысаларында район тарихын чагылдырган үзешчән авторлар һәм декоратив-гамәли сәнгать осталарының да күргәзмәләре оештырылачак.