QR-кодсыз кайда барырга яраячак?
Яңа чикләүләр керткәннән соң, QR-кодсыз бары тик саны чикләнгән урыннарга гына эләгергә мөмкин. Бу хакта Роспотребнадзорның ТР буенча матбугат секретаре Миләүшә Җамалиева сөйләде.
"COVID-19 вакцинациясеннән медицина кире кагуы (медотвод) QR-код булып саналмый, бу кешеләрне предприятиеләргә һәм оешмаларга кертү өчен нигез булып тормый", – дип билгеләп үтте спикер.
Миләүшә Җамалиева коронавируска каршы вакцинация үтү сертификатыннан башка кая эләгергә мөмкин булуын санап үтте: сәүдә үзәгендә булмаса, теләсә кайсы азык-төлек кибете, кече мәйдандагы кибетләр, банклар, даруханәләр, почта, җәмәгать транспорты, китапханә, мунча, чәчтарашханәләр.
Следите за самым важным и интересным в Telegram-каналеТатмедиа
Нет комментариев