Татарстанда яшәү минимумы күләме артты

Татарстан Республикасы Хөкүмәте 2021 елга яшәү минимумын үзгәртү турында карар чыгарды. Татарстан Президентының матбугат хезмәте җитәкчесе Лилия Галимова шул хакта хәбәр итте.

Исәп-хисап җан башына – 9955 сум, хезмәткә яраклы халык өчен – 10 622 сум, пенсионерлар өчен – 8 423 сум, балалар өчен 9 995 сум каралган.

2020 елның II кварталы белән чагыштырганда, яшәү минимумы җан башына 3 процентка (287 сум); эшкә яраклы халык өчен 3 процентка (328 сум); пенсионерлар өчен 7 процентка (534 сум) һәм балалар өчен 3 процентка (282 сум) арткан.

Барлык исәп-хисаплар республиканың 2021-2023 елларга социаль-икътисади үсеш фаразына нигезләнеп башкарыла.