Татарстанда яшенле яңгыр һәм көчле җил көтелә

Якындагы сәгатьтә, көн ахырына кадәр һәм 17 май кичендә, Татарстанда һава шартларының начарлануы көтелә. Бу хакта ТР Гидрометеорология үзәге хәбәр итә.

Республика буенча урыны белән көнбатыш җиленең кыска вакытлы көчәюе белән (15-20 метрга кадәр) яшенле яңгыр булуы ихтимал, дип кисәтә метеорологлар.

Шул ук вакытта төбәк территориясендә элек урнашкан аномаль эссе һава саклана. Бүген һава 35 градуска кадәр җылынырга мөмкин. ТР Спас районында урнашкан Антоновка метеостанциясендә температура +34,1 градус булган.