Татарстанлылар юлларда камераларның кайда урнашканын картадан карый ала

Республика Дәүләт автоинспекциясе рәсми сайтта урнаштырган картада юлларда камераларның кайда урнашканын тикшерергә мөмкин.

Карта Татарстанның бөтен территориясен колачлый. Анда камераларның республика шәһәрләрендә дә, трассаларда да урнашкан урыны күрсәтелә.

«Татар-информ» агентлыгы элегрәк Казанда пәйда булган, сулга таба рөхсәт ителмәгән борылышларны терки торган яңа камералар хакында да хәбәр иткән иде. Өч атна эчендә әлеге камералар ярдәмендә Татарстанда 10 меңнән артык машина йөртүче штрафка тартылган. 

Чыганак