Татарстанның Арча районында юл-транспорт һәлакәтендә 35 яшьлек ир-ат һәлак булды

3 март көнне көндез Казан — Малмыж трассасында куркыныч юл-транспорт һәлакәте булган: шаһитлар сүзләренә караганда, 1985 елда туган  14нче модель «Лада» машинасы шоферы каршы як полосага чыккан, шуннан соң зур тизлектә 33 яшьлек ир-ат идарәсендәге «Хендэ» автомобиле белән бәрелешкән. Көчле бәрелүдән ике машина да тулысынча яраксыз хәлдә.

«Татар-информ» мәгълүмат агентлыгына ТР буенча Эчке эшләр министрлыгының матбугат хезмәтендә хәбәр итүләренчә, һәлакәт нәтиҗәсендә «Лада»машина йөртүчесе һәлак булган. Моннан тыш, якындагы хастаханәгә тагын өч пассажирны алып киттеләр: берсе — «Лада» салоныннан, икесе - «Хендэ»дан.