Үткән Сабантуйларда Татарстанда 244 исерек тоткарланган

Узган бәйрәмнәрдә Теләче районында 1 машина йөртүче исерек килеш транспорт чарасы белән идарә итүе ачыкланган. Теләче авылында Лада Гранта автомобиле туктатыла. Машина йөртүче үзен сәер тота, хокук саклау хезмәткәрләренә шик тудыра. тикшергәннән соҗ нәтиҗәдә машина йөртүченең хәмер кулланганы ачыклана. Бу хакта җирле ЮХИДИ бүлеге хәбәр итте. 

Административ кодекс нигезендә, исерек килеш йөрткән өчен 30 000 сум штраф һәм 1,5-2 елга кадәр машина йөртү хокукыннан мәхрүм итү яный. Ә Җинаять кодексы нигезендә, исерек хәлдә кабат идарә иткән өчен, шоферга ике елга кадәр иректән мәхрүм ителү куркынычы яный.