Узган елгы хезмәткә нәтиҗә ясалды

Муниципаль район башлыгы Нәҗип Хаҗипов җитәкчелегендә узган киңәшмәдә авыл хуҗалыгы предприятиеләре җитәкчеләре, зооветеринария белгечләре, ферма мөдирләре, бухгалтерлар,крестьян-фермер хуҗалыклары җитәкчеләре, авыл җирлекләре башлыклары чакырулы иде. Киңәшмәдә алда тәгаенләнгән темаларны яктыртып, район авыл хуҗалыгы һәм азык-төлек  идарәсе җитәкчесе Ралиф Низаметдинов, район ветеринария берләшмәсе җитәкчесе Илгизәр Гариповлар чыгыш ясады. Йомгаклау сүзе белән муниципаль район башлыгы Нәҗип Хаҗипов чыкты. Азактан район авыл хуҗалыгы һәм азык-төлек идарәсе белән килешүдәге йөкләмәләрне үтәгән  авыл хуҗалыгы предприятиеләре,  крестьян-фермер хуьалыклары җитәкчеләренә Дипломнар тапшырылды.

Киңәшмәдә республиканың “ЭЛИТА” төп нәсел  предприятиесе” акционерлык җәмгыяте директоры Илсур Закиров катнашты һәм ул үзе җитәкләгән җәмгыятьнең эшчәнлеге белән таныштырып чыгыш ясады. Аның тарафыннан Низамов М.Х. крестьян-фермер хуҗалыгы, җаваплылыклары чикләнгән “Алан” һәм “Игенче” ширкәтләре җитәкчеләренә хезмәттәшлек итү сертификатлары тапшырылды.

Фәнил Гаязов.

Автор фотолары.