Яшь инспекторлар көч сынашты

14 май көнне Казан шәһәрендә Гатиятов Рәсип Рәшит улы җитәкчелегендә Теләче мәктәбенең яшь инспекторлар отряды "Куркынычсыз тәгәрмәч - 2021" республика конкурсының зона этабында катнаштылар.  Яшь катнашучылар юл хәрәкәте кагыйдәләрен белүләрен, велосипед белән идарә итү осталыгын һәм беренче медицина ярдәмен күрсәтү буенча  көч сынаштылар.

Теләче мәктәбенең яшь инспекторлар отряды бар төр ярышларда уңышлы катнашып лауреат дәрәҗәсенә ия булдылар. Укучыларны һәм җитәкчене котлыйбыз, яңа уңышлар телибез!