Хуҗабикәләр колагына
Томалап пешерелгән куян ите
Ингредиентлар 150 г Куян ите 10 г Сары май 40 г Каймак 40 г Кишер 25 г Башлы суган 15 г Томат пастасы Шулпа Тоз Борыч Эшкәртеп яхшылап юылган куян түшкәсен өлешләргә бүләләр. Һәр кисәкне тоз, борыч сибеп ышкыйлар да табада кыздырып алалар. Аннары, тирән кәстрүлгә бушатып, боҗралап туралган башлы...
Ингредиентлар
150 г Куян ите
10 г Сары май
40 г Каймак
40 г Кишер
25 г Башлы суган
15 г Томат пастасы
Шулпа
Тоз
Борыч
Эшкәртеп яхшылап юылган куян түшкәсен өлешләргә бүләләр. Һәр кисәкне тоз, борыч сибеп ышкыйлар да табада кыздырып алалар. Аннары, тирән кәстрүлгә бушатып, боҗралап туралган башлы суган һәм, түгәрәкләп турап, бер-ике кишер, ит шулпасы салып, сүрән утка пешерергә куялар. Шулпа кайнап чыккач, каймак, томат пастасы өстәп, кәстрүлне нык итеп ябып, әзер булганчы томалап пешерәләр.
Куянны чуен белән мичкә куеп та пешерергә була. Ул чагында чуенга бөтен нәрсәне берьюлы чи килеш салалар, шулпа өстиләр, тоз, борыч сибәләр һәм, өстен ябып, мичкә куялар.
Шулай әзерләнгән итне кайнар килеш, куе яшелчә соусы белән бирәләр. Аерым савытта эре итеп турап кыздырган бәрәңге куярга мөмкин.
Следите за самым важным и интересным в Telegram-каналеТатмедиа
Нет комментариев