Тылсымлы салфеткалар

Чисталык өчен көрәштә алар алыштыргысыз ярдәмче.

Күптөрле салфетка тәкъдим итәләр сатуда. Хуҗабикәләр колагына иң мөһиме - ул сыйфатлы булсын, диясебез килә.

• Кафель һәм раковина өчен: Җитен һәм целлюлозадан эшләнгән салфеткалар майны бик тиз бетерә. Иске, озак торган тапларны да оста чистарта. Мондый салфеткаларны ялтырап торган металл өчен дә, пластик, эмальне аруландырганда да кулланырга була.

• Тәрәзә, пыяла һәм көзге чистартырга: Махсус микросүстән эшләнгән салфетка куллансагыз, эз калдырмас. Мондый салфетка белән савыт -сабаны да сөртергә була.

• Идән юыйм дисәгез: Вискозадан эшләнгән идән чүпрәге әйбәт. Чөнки ул суны тиз сеңдерә. Идән юу өчен мондый салфеткаларның бер ягы рельефсыман, икенче ягы - тигез, шома булса отышлырак.

• Җиһаз сөртергә: Микрофибра яки вискозадан эшләнгән салфетка кулай булыр. Мондый чүпрәк белән җыештырганда, тузан өй буйлап очып йөрмәячәк. Микрофибра тузанны үзенә сеңдерә һәм җиһазны тырнамыйча чистарта.

• Оргтехникага: Антистатик эффектлы салфетка кирәк. Аның белән сөртеп алгач, техникада тузан җыелмый тора.

• Тап бетерүче салфеткалар: махсус спиртлы сыеклык сеңдерелгән була. Май, кайнатма, соус, шоколад һәм косметика тапларын бик тиз бетерә.

• Универсаль салфеткалар составына 30 % полиэстир һәм 70% вискоза кушып эшләнә. Алар чыдам була, дымны үзенә сеңдерә. Аш бүлмәсен җыештырганда, хуҗабикәнең зур ярдәмчесе. Шулай ук әшәкене үзенә сеңдерә, теләсә нинди өслекне чистартырга була.

Үз өем