Баклажанның кабыгын әрчибез дә, эрерәк итеп турап салкын суга ярты сәгатькә салып торабыз. Бу баклажанның әчесен чыгарырга ярдәм итә. Татлы борычны саламлап, помидорны шакмаклап, суганны боҗралап турыйбыз, сарымсакны изәбез. 

Кәстрүлгә көнбагыш маеның ярты өлешен салып кайнарлатабыз һәм яшелчәләрне түбәндәгечә катламлап тезәбез. Башта – помидор, аннан – баклажан, борыч, суган, сарымсак. Өстенә калган майны, шикәр комы, тоз, борыч салып капкачлыйбыз һәм кайнап чыккач 35 минут томалап пешерәбез. Яңадан аш серкәсе салып 5 минут кайнатабыз. Стерильләштерелгән банкаларга яшелчәләрне тигез өлештә тутырып капкачлап куябыз.