Теләче Информ

Алсу “Голос” тамашасында кызының җиңүен шәрехләде

Җырчы Алсу “барысы да яхшы тәмамланыр” дип өметләнүен әйтте.

Җырчы Алсу кызы Микелла Абрамованың “Голос. Балалар.” шоуының алтынчы сезонында җиңүен беренче тапкыр шәрехләде. Башкала радиостанцияләренең берсенә биргән әңгәмәсендә ул проектта катнашучылар “ниндидер уеннарга җәлеп ителгән” диде. Бу турыда РИА Новости хәбәр итә.

Шулай ук Бөгелмә кызы “барысы да яхшы тәмамланыр” дип өметләнүен әйтте.

Элегрәк “Татар-информ” агентлыгы хәбәр иткәнчә, җыр конкурсының алтынчы сезоны нәтиҗәләре тавыш бирү процедурасына "тышкы йогынты"  булу сәбәпле, гамәлдән чыгарылган дип хәбәр иткән иде. Тикшерү үткәргән Group-IB компаниясе бер катнашучы өчен СМСны күпләп автоматлаштырылган җибәрүне теркәде, ә “беренче төймә” вәкилләре тавыш бирүдә “берникадәр аномальлек” күзәтелүен таныды.

 

Хәзер Беренче канал продюсерлары программаның махсус чыгарылышын әзерли һәм конкурс финалистларын, шул исәптән шоуда җиңүчене дә чакырырга планлаштыралар. Алсу үзенең 10 яшьлек кызының тапшыруда катнашачагын искәрми.

“Микелла беренче тапкыр катнашуы турындагы карарны мөстәкыйль кабул итте, шуңа күрә мин хәзер дә үзе карар кабул итәргә тиеш дип уйлыйм”, — диде җырчы. Алсу 1 июньгә, балаларны яклау көнендә, килеп туган вазгыять турында тулырак шәрехләр әзерләячәген әйтте.

https://tatar-inform.tatar

Нравится
Поделиться:
Реклама
Комментарии (0)
Осталось символов: