"Бәллүр каләм" конкурсы уздыруның төп максаты - Татарстан журналистларының профессиональлеген бәяләү, ел дәвамында медиа өлкәсе үсешенә йогынты ясаучы физик һәм юридик затларны, хезмәтләрне һәм оешмаларны ачыклау.
Бәйгедә журналистика оешмалары һәм Татарстан Журналистлар берлеге бүлекләре, теле- һәм радиокомпанияләр, нәшрият йортлары, матбугат хезмәтләре һәм башка медиа оешма вәкилләре үз көчен сынап карый ала.
"Бәллүр каләм" түбәндәге номинацияләр буенча уза:
"Һөнәргә тугрылык өчен",
"ТРның шәһәр һәм район массакүләм мәгълүмат чарасы",
"Темасы - җирле, осталыгы башкалача",
"Медиапроект",
"Объектив аша караш",
"Туган тел",
"Журналистикада исем",
"Танылу".
Агымдагы елда яңа номинация булдырылды - «Массакүләм мәгълүмат чаралары белән нәтиҗәле хезмәттәшлек». Әлеге номинациядә министрлык, ведомстволарда, оеашмаларда, Татарстан Республикасы шәһәр һәм районнарда матбугат хезмәте җитәкчесе булып эшләүчеләр катнаша ала.
Шулай ук берничә махсус приз каралган:
2015 ел нәтиҗәләре буенча "Россия Федерациясендә әдәбият елы" һәм "Татарстан Республикасында парклар һәм скверлар елы".
Конкурста катнашучыларның эшләре Татарстан Журналистлар берлегендә (420080, Казан шәһәре, Декабристлар урамы 179 йорт, 3 нче подъезд адресы буенча) 15 апрельгә кадәр кабул ителә.
Белешмә өчен телефоннар: (843) 555-85-11, 555-76-03, 555-75-22.
Конкурс шартлары һәм нигезләмәсе монда.
Исегезгә төшерәбез: 2015 елда иң яхшы журналист исеменә "Республика Татарстан" газетасы баш мөхәрриренең беренче урынбасары Владимир Устиновский лаек булды. Аңа Татарстан Президентының махсус бүләге − машина ачкычлары тапшырылды.
Нет комментариев