Кайбычтагы ясалма сулыкта ир-ат баткан

автор, 1 июль 2018 - 18:10

1122

Кайбыч районында ясалма сулык буасы янында 28 яшьлек ир-ат баткан.

Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

Кичә көндез фаҗигале һәлак булган егет Олы Подберезье авылы кешесе булган.

Гадәттән тыш хәлләр министрлыгының Олы Подберезье авылы хезмәткәрләре, шулай ук 1 нче зональ янгын сүндерү һәм коткару отряды ир-атның мәетен судан чыгарган.