Шул вакыт эчендә республикада корыган үлән һәм чүп-чар ягарга ярамый, ачык утта ризык әзерләргә рөхсәт ителми, урманнар янында урнашкан торак пунктлар территорияләрендә, гражданнарның бакчачылык һәм дача берләшмәләре, балалар сәламәтләндерү лагерьлары, икътисад объектларында куркынычлык дәрәҗәсе 1-3 класслы булган пиротехник эшләнмәләр куллану тыела.
Кагыйдә бозган физик затларга 2000-4000 сум, вазифаи затларга - 30 мең сумнан 40 мең сумга кадәр һәм юридик затларга - 200 мең сумнан 400 мең сумга кадәр күләмдә штраф салыначак.
Полиция һәм Табигатьтән файдалану өлкәсендә күзәтчелек федераль хезмәтенең Татарстан идарәсе хезмәткәрләре 30 апрельдән 20 майга кадәр урман-парк зоналары һәм кешеләр күпләп ял итү урыннарында янгын куркынычсызлыгы таләпләрен үтәүне тикшерәчәк.
Нет комментариев